Mutane 20 sun mutu a wurin ibadar Sufaye

An kama wani babban limamin wurin ibadar Sufaye da wasu mataimakansa biyu bisa laifin hannu a kisan mabiyansa ashirin da suka je ibada a safiyar yau lahadi.

Mutane akalla ashirin ne suka mutu yau a wurin ibadar Sufaye dake jahar Punjab a Pakistan REUTERS/Akhtar Soomro

Mutumin mai suna Abdul Waheed mai shekaru hamsin ya aikata kisan ne ta hanyar sassara mutanen da adda.

Mazauna jahar Punjab yankin da al’amarin ya auku sun matukar nuna kaduwarsu kan aukuwar wannan kisa na ba gaira ba dalili.
Mata hudu na daga cikin wadanda limamin ya hallaka daya bayan daya inji masu bincike.