An girke tankunan yaki a fadar shugaban Masar

Rungunar Sojin kasar Masar, ta girke tankunan yaki a fadar shugaban kasa a birnin Alkahira, bayan samun wata arangama tsakanin magoya bayan Shugaba Morsi da masu zanga-zangar adawa da shi.Rahotanni daga Alkahira sun ce an samu lafawar rikicin tsakanin masu zanga-zanga bayan samun mutuwar mutane uku wasu daruruwa kuma suka rauni.

Masu Zanga Zangar adawa da Shugaban Masar Mohammed Mursi suna arangama da 'Yan Sanda REUTERS/Asmaa Waguih

Zanga-zanga dai ta barke ne a kasar Masar domin adawa da kudirin gwamnati na yi wa kundin tsarin mulki kwaskwarima.

Kuma gwamnatin kasar t ace za’a gudanar da zaben ra’ayin jama’a duk da adawa da shirin da wasu al’ummar kasar ke yi.