Ana zargin Morsi da yunkurin hana tuhumar wadanda suka ci zarafin jama’a a kasar

Wata kungiyar kwararu a kasar Masar, ta zargi shugaba Mohammed Morsi da dauke hankalin sa kan zarge zargen cin zarafin jama’a da aka yi a lokacin juyin juya halin kasar. 

Shugaban kasar Masar, Muhammed Morsi AFP PHOTO/FAYEZ NURELDINE

Kungiyar da ta kunshi alkalai, jami’an tsaro, masu kare hakkin Bil Adama da kuma ‘Yan uwan wadanda aka ci zarafin su, ta gudanar da bincike akan lamarin inda ta mika rahotan ta ga shugaban kasar, amma yaki daukar mataki akai, duk da alkawarin da ya yiwa al’umar kasar.