Sojojin Najeriya sun kwato wasu garuruwan Yobe da Borno

Rundunar Sojin Najeriya ta sanar da karbe wasu garuruwa daga hannun mayakan Boko Haram a Jihohin Barno da Yobe da suka hada da Bita da Isge da Yamteke da Uba a kananan hukumomin Askira Uba da Damboa a Jihar Barno da kuma Buni Yadi a Jihar Yobe.

Sojojin Najeriya da ke fada da Boko Haram REUTERS/Joe Penney

Daraktan yada labaran sojin Kanan Sani Usman Kukasheka ne ya tabbatar da haka tare da cewar sojojin runduna ta 3 da runduna ta 7 suka samu nasarar fafatawar da suka yi jiya.

Kanal Usman ya ce sun rasa soja guda a aikin yayin da wasu 10 suka samu raunuka.