Bakin haure 100 sun bace a gaban tekun Libya

Jami'an tsaron gaban tekun kasar Libya sun sanar da bacewar wasu bakin haure akalla 100 bayan da kwale-kwalensu ya kife a lokacin da suka bar gaban tekun Libya kusa da birnin Tripoli.

Jamian kula da gaban teku na Libya a lokacin da suke taimakawa wasu bakin haure da jirginsu ya kife a teku.

Mai Magana da yawun jami'an gaban tekun Ayoub Qassem ya bayyana cewa 23 daga cikin bakin hauren an sami kubutar dasu daga kwale-kwalen dake dauke da mutane 120.

A cewar sa kwale-kwalen kifewa yayi a lokacinda ya tashi daga gaban ruwan na Libya.

Gaban tekun kasar Libya ta kasance mashigin farko da bakin haure ke bi daga nahiyar Africa domin tafiya Turai.