Dakarun MNJTF sun halaka mayakan ISWAP 18 a Tafkin Chadi

Dakarun rundunar hadin gwiwa ta kasa da kasa sun kashe wasu mayaka 18 da ake kyautata zaton na kungiyar ISWAP ne a yankin tafkin Chadi.

Wasu sojojin Nijar da ke rundunar kasa da kasa ta MNJTF yayin sintiri a Malam fatori dake Najeriya. AFP - PHILIPPE DESMAZES

Rundunar da a takaice ake kira da MNJTF ta kunshi sojoji daga Najeriya da Nijar da kuma Kamaru.

Bayanai sun ce dakarun hadin gwiwar sun halaka ‘yan ta’addan ne tun a ranar 3 ga watan nan na Afrilu bayan hare-haren da suka kaddamar kansu tsawon mako guda a yankuna da dama cikinsu har da Malam Fatori, Gashigar, da kumaTalata Ngam.

Baya ga kashe mayakan na ISWAP, sojojin sun lalata manyan bindigogi tare da kwato makamai da dama.