Kamaru ta sanar da ware CFA bilyan 625 a matsayin tallafin man fetur

Gwamnatin Kamaru ta sanar da ware CFA bilyan 625 a matsayin tallafi ga bangfaren man fetur, a daidai lokacin da kasar ke fama da karancin man fetur.

Shugaban kasar Kamaru Paul Biya. Ludovic MARIN / AFP

Ministan makamashi na kasar Gaston Eloundou Essomba, ya ce wadannan kudade na nuni da cewa gwamnati ta kara yawan kudaden tallafin man fetur zuwa 300%.

Ku latsa alamar sauti don jin Mohammad Shafi’u mazauni Douala da ke matsayin birnin hada-hada da kasuwanci na kasar, da ke cewa tuni karancin man fetur ya haifar da cikas ga jama’a.