Bikin baje kolin kasa da kasa na masana'antun kayan tsaro da soja (EDEX 2023) A Masar

Masar tana karbar bikin baje kolin kasa da kasa karo na 3 na masana'antun kayan tsaro da na soja (EDEX 2023) daga 4 zuwa 7 ga Disamba.Za a gudanar da baje kolin ne a cibiyar baje kolin kasa da kasa ta birnin Alkahira karkashin jagorancin shugaban kasar Abdel Fattah Al-Sissi, babban kwamandan sojojin kasar Masar, sama da kamfanoni 400 daga kasashe 46 ne ke halartar taron.

Daya daga cikin motocin yaki kirar Faransa a bikin baje kokin Eurosatory a arewacin Faransa ranar 14 ga watan Yuni na shekarar 2022. AP - Michel Euler

Tariq Al-Khatib, shugaban sashen fasaha na cibiyar bincike ta kasa da kasa ta Masar, ya bayyana cewa, tare da dukkan abubuwan da ke faruwa a halin yanzu, kasashe da dama na kokarin tabbatar da tsaronsu, musamman a fannin sa ido, da kiyaye na'urori da kuma kayyade kan iyakokin kasar.

Daya daga cikin masana'antu masu kera kayan yaki da Soja AP - MOHAMED EL-SHAHED

Ya ƙunshi rumfuna 22 da ke wakiltar ƙasashe da suka haɗa da Amurka, China, Indiya, Faransa da Jamus.

Manyan kamfanoni da suka kware a tsarin tsaro  suma suna nan, daga tsaron iska zuwa  da tsaro ta yanar gizo.

A kan tsayawarsa, Ciro Granato, wakilin Santor Security, ya gabatar da wata na'ura da aka sani da "Mai kare Maganar Harp". Manufar ita ce a rage haɗarin satar bayanan sirri  na yayin ganawar ido-da-ido da kuma hana sauraran bayanai an kera na'urar ne domin gwamnatoci da wasu kamfanoni su yi amfani da ita, kuma a yanzu shugabanni da firaministan kasashe da dama ne ke amfani da ita.