Fashewar Cylinder Gas ya kashe mutane 85 a India

Mutane akalla 85 ne suka rasa rayukansu yayin da wasu 100 suka jikata a kasar India bayan fashewar Cylinder Gas a wani gidan cin abinci da ke tsakiyar Jihar Madhya Pradesh kamar dai yadda ‘yan sanda yankin suka sanar.

Yankin Madhya Pradesh na India, inda gas ya hallaka mutane ©REUTERS/Stringer

Lamarin ya farune a lokacin da Gidan abincin da ke kusa da tashar motoci ya cika makil da ma'aikata da kuma yara dalibai wanda ke cin abinci a wajen.

Tuni dai Jami'an agaji suka isa wajen domin yin duk mai iyawa wajen ceto wadanda suka tsira da kuma kwashe wadanda suka mutu.