Guguwa ta kashe mutane 78 a China

Mutane 78 aka tabbatar da mutuwarsu yayin da wasu kusan 500 suka samu raunuka sakamakon wata guguwa mai dauke da ruwan sama da ta mamaye yankin Jiangsu da ke gabashin kasar China.

Guguwa mai saurin kilomita 125 a sa'a guda ta kashe mutane 78 a China Reuters/Babu

Kamfanin dillancin labaran Xinhua ya ce, ruwa ya mamaye wasu kauyuka  yayin da itatuwa suka fadi lokacin da guguwar mai saurin kilomita 125 a kowacce sa’a, ta ratsa kan Yancheng.

Yanzu haka an ruwaito cewar mutane kusan 200 na can dauke da raunuka daban daban.