Amurka ta gargadi China kan ayyukan sojinta a kusa da Taiwan

Sakataren tsaron Amurka Lloyd Austin ya yi Allah wadai da ayyukan soji da kasar China ke yi a kusa da Taiwan, da kuma yadda Beijing ke ci gaba da kai hare-hare a yankin Asiya da tekun Pasific.

Sakataren tsaron Amurka Lloyd Austin yayin ganawa da ministan tsaron Vietnam, 10/06/22 REUTERS - CAROLINE CHIA

Takaddama na kara tsami tsakanin Washington da Beijing kan Taiwan mai cin gashin kanta, wanda China ke kallo a matsayin yankinta, kuma ta sha alwashin kwace shi da karfin tuwo.

Beijing ta kai hare-hare da dama a yankin tsaron sararin samaniyar Taiwan a bana, kuma a ranar Juma'a, ministan tsaron kasar Wei Fenghe ya gargadi Austin cewa, kasar China a shirye take ta shiga yaki idan tsibirin ya ayyana 'yancin kai.