Chavez zai shiga zabe karo na uku a Venezuela

Shugaban Kasar Venezuela, Hugo Chavez mai fama da rashin lafiya, ya yi rajistar takarar shugabancin kasa, a karo na uku, a zaben da za’a gudanar a watan Octoba mai zuwa bayan kwashe lokaci shugaban yana jinya.

Shugaban kasar Venuzuela Hugo Chávez, Reuters

Shugaba Chavez ya shiga cikin tawagar dubban magoya bayansa a Caracas, bayan yin rajista a ofishin hukumar zabe, inda ya yi rawa da waka don tabbatar wa magoya bayansa yana cikin koshin lafiya.

Shugaban ya bayyana shekarar bana a matsayin mafi wahala a gare shi, amma kuma ya godewa Ubangiji.