Amurka ta shiga cikin matsalolin tattalin arziki

Shugaban Kasar Amurka, Barack Obama, ya yi gargadin cewar wani sashe na ‘Yan Jam’iyar Republican a kasar, na shirin jefa kasar cikin matsalolin tattalin arziki, abinda zai hana ta biyan basusukanta. A hirar da ya yi da wata kafar talabijin, shugaba Obama yace hankalin sa ya tashi, kuma ba zai bayar da kai bori ya hau ba.

Shugaban Amurka Barack Obama REUTERS/Larry Downing

A daren jiya an yi wata ganawa tsakanin shugaban da shugabanin Majalisar kasar, amma kuma babu wata yarjejeniya da aka kulla.