Amurka ta yi watsi da bukatar Kurdawan Iraqi

Kasar Amurka ta yi watsi da bukatar da shugaban gwamnatin cin gashin kai ta Kudurwan kasar Iraki Massud Barzani ya gabatar wa majalisar dokokin yankin Kurdistan, inda ya bukaci a amince a shirya kuri’ar jin ra’ayin jama’a domin ballewar yankin daga kasar baki daya.

Shugaban Kurdawa Massoud Barzani yana ganawa da Sakataren harakokin wajen Amurka john Kerry REUTERS/Stringer

Mai Magana da yawun fadar Amurka ta White House Joseph Earnest, ya ce babu yadda Iraqi za ta iya tunkarar Mayakan jihadi face idan kasar na hade.

Firaministan Iraqi Nuri al-Maliki ya yi tayin afuwa ga Mayakan da suka karbe ikon wasu biranen kasar, tare da yin watsi da bukatar Barzani.