Paparoma ya isa Amurka domin ziyarar aiki

Paparoma Francis ya fara ziyarar aiki a kasar Amurka inda ya samu tarba daga shugaban kasar Barack Obama da iyalansa a tashar jiragen saman Andrews Air Force Base, a wajen birnin Washington. 

Paparoma Francis na jawabi gaban mabiya cocin katolika

Yau ake sa-ran shugaba Obama zai gana da Paparoman, kafin a ranar gobe alhamis ya yi jawabi gaban majalisar kasar.

Mai magana da yawun fadar shugaban kasar Josh Ernest ya ce shugabanin biyu ba zas u tattauna kan siyasa ba.