An kashe mayakan IS 32 a Syria

Akalla mayakan IS 32 aka kashe a Syria a wasu hare haren jiragen yakin Amurka da kwayenta suka kai a yankin Raqa a yau Lahadi. Akalla wasu kimanin 40 suka jikkata a hare haren da aka kai a sansanin IS, kamar yadda Kungiyar da ke sa ido a rikicin Syria ta tabbatar.

An yi wa IS luguden wuta a Raqa a Syria /ECPAD / EMA/AFP/Archives

Tun munanan hare haren da aka kai a Paris, Amurka da Faransa suka zafafa hare hare akan IS.

Kuma yanzu Birtaniya da Jamus sun shiga kawancen na farwa mayakan na IS da ke da’awar jihadi a Syria da Iraqi.