Direbobi sun kona bankuna 2 a Legas

Direbobin motocin safa sun kona bankuna biyu a jihar Legas da ke tarayyar Najeriya bayan jami’an ‘yan sanda sun harbe daya daga cikinsu.

Bankin Sterling da direbobi suka kona a jihar Legas NIGERIA TODAY/AYODELE ADENIRAN

Kona bankunan na Diamond da Sterling na zuwa ne bayan ‘yan sandan da suka aikata ta’asar sun nemi mafaka a cikinsu.

Ba a karon farko kenan ba da jami’an ‘yan sanda ke harbe direbobin motocin safa a Legas saboda hana su na goro.

Sai dai a cewar Kwamishinan ‘yansanda Jihar, Fatai Owoseni, sun lafar da kurar rikicin tare da daukan matakan mayar da doka da oda.