Allah Ya yi wa Isyaka Rabi'u rasuwa a birnin London

Rahotanni daga jihar Kano da ke arewacin Najeriya na cewar babban malamin addinin Musulunci kuma shugaban Darikar Tijjaniya na Afrika Sheikh Isyaka Rabi'u ya rasu.

Marigayi Khalifa Isyaka Rabi'u ya bar duniya yana da shekaru 90 Premium Times

Shahararren malamin ya rasu ne a wani asibiti da ke birnin London, in da ya yi fama da gajeruwar rashin lafiya kamar yadda iyalansa suka shaida wa manema labarai a yau da magariba.

Maraigayi Sheikh Isyaka Rabiu wanda aka haifa a shekara ta 1928 ya rasu yana da shekaru 90 a duniya.

Ko da yake kawo yanzu babu cikakken bayani game da jana'izar marigayin wanda aka sani da yi wa addinin musulunci hidima.

Daga cikin 'ya'yan marigayin akwai Alhaji Abdus-samad, shugaban kamfanin BUA da kuma Alhaji Karami, shugaban kamfanin jiragen sama na IRS.