An kaddamar da motoci sama da 2000 da ke amfani da iskar gas na LNG a Najeriya

A Najeriya, lura da tsadar makamashi musamman ma diezel da kuma man fetur, wannan ya sa kungiyar masu motocin sufuri da hadin gwiwar gwamnatin tarayya, ta fara jarraba amfani da iskar gaz da ake kira LNG da ake ganin cewa ya fi sauki a wajen farashi da kuma karancin gurbata muhalli.

Akasarin manayan motocin sufuri na amfani da man diesel ne, wanda yanzu yake da matsanancin tsada. REUTERS/Paul Carsten

Tuni dai kungiyar masu motocin sufuri da ake kira Rtean ta kaddamar da motoci sama da dubu biyu da 300 da ke amfani da wannan sabuwar fasaha maimakon diesel, kamar dai yadda shugaban kungiyar Alhaji Musa Muhammad Maitakobi ya yi wa Abdoulkarim Ibrahim Shikal karin bayani a zantawarsu.