Mutane miliyan 50 na rayuwa karkashin bautarwar zamani

Shirin Ra'ayoyin Masu Saurare na wannan rana ya tattauna ne kan wani raahoton Majalisar Dinkin Duniya da ke cewa, akalla mutane milyan 50 ne ke rayuwa a karkashin wani salon bauta na zamani a sassan duniya.

Wahalar da kananan yaraa, nau'i ne na bautar da su a zamanance AP - Brian Inganga

Rahoton ya ce mata da kananan yara ne suka fi fuskantar ukuba a karkashin wannan sabon salo na bauta, da suka hada da auren dole, yin aiki na tsawon awanni ba tare da mutunta ka’idojin kwadago na duniya ba, yayin da ake tilasta wa wasu shiga karuwanci.