Majalisar Rasha ta amince da dokar hukunta masu zanga-zanga

Majalisar Wakilan Rasha, da ake kira “Duma”, ta amince da dokar cin tarar wadanda suka shirya zanga zanga ba tare da izini ba, inda zasu biya kudin kasar Miliyan daya, wanda ya yi dai dai da Dala 32,100, yayin da kuma wadanda suka shiga zanga zangar zasu biya kudi Dala 9,000.

Shugaban Rasha Vladimir Putin a zauren majalisar Duma a birnin Moscow REUTERS/Maxim Shemetov

Yan Majalisu 241 suka amince da dokar, wasu 147 suka ki. Yanzu za’a mika wa Majalisar Dattawan kasar don amincewa da dokar, kafin bai wa shugaban kasa ya sanya hannu.