An kama wata yar kasar Faransa da laifin sayarwa bakin haure da kayan ruwa

Francoise Olcay Jami’ar diflomaisyar Faransa a Turkiya ta sauka daga mukamin ta bayan an same ta laifin sayar da takalma da rigar hana mutane nitsewa a ruwa ga bakin dake neman tsallakawa Turai ta mashigin ruwan Mediterranean.

Bakin haure a gabar ruwan Turai REUTERS/Dimitris Michalakis

An dakatar da matar mai suna Francoise Olcay daga aiki ranar juma’a, bayan talabijin ya nuna ta na sayar da takalman da rigunan a mashigin ruwan Bodrum dake Turkiya.
Mai Magana da yawun ma’aikatar harkokin wajen Faransa, Romain Nadal, yace jami’ar ta mika takardar murabus ga babban jami’in diflomasiyar kasar dake Instanbul.