CHAN 2014: Ghana da Libya zasu yi fafatawar karshe

Kasar Ghana da Libya su ne zasu fafata a wasan karshe bayan sun samu nasara a jiya Laraba a wasannin kasashen Afrika da a ke gudanarwa a kasar Afrika ta Kudu. ‘Yan wasan Black Stars na Ghana sun doke ‘Yan wasan Super Eagles ne na Najeriya ci 4-1 a bugun daga kai sai mai tsaron gida a zagayen dab dana karshe.

Ghana ta tsallake zuwa guda wasan karshe bayan ta doke Najeriya ci 4-1 a bugun daga kai sai mai tsaron gida a gasar kasashen Afrika da ake gudanarwa a kasar Afrika ta kudu. CAF

Kasar Ghana za ta yi fatar lashe kofin a bana domin huce hucin kofin da ta rasa a shekarar 2009 a karawarta da Congo.

Kasar Libya ta tsallake ne bayan ta doke Zimbabwe ci 5-4 a bugun daga kai sai mai tsaron gida

Duk kungiyar ta lashe kofin gasar zata kwashi kudi dala 750,000, mai bi ma ta zata karbi kudi dala 400,000.