CAF ta dakatar da alkalin wasan Mauritania

Hukumar kwallon Afrika CAF ta dakatar da wani alkalin wasa dan kasar Mauritania Rajindraparsad Seechurn har na tsawon watanni 6 tare da cin kasar Tunisia tarar kudi dala dubu hamsin, sakamakon abin da ya faru a wasan kwata fainal da Equatoria Guinea ta yi waje da Tunisia a filin wasa na garin Bata.

Shugaban kwallon Afrika Issa Hayatou. AFP PHOTO / FADEL SENNA

Ana dab da kammala wasa ne alkalin wasa ya ba Equatorial Guinea fanariti bayan Tunisia ta fara jefa kwallo a raga.

Bayan an kara lokaci kuma Equatorial Guinea ta sake jefa kwallo a ragar Tunisia inda suka tashi ci 2-1 a ranar Assabar.

Amma a lokacin da kyar alkalin wasa ya sha a hannun ‘yan wasan Tunisia, har sai da ‘yan sanda suka raka shi.

A cikin sanarwar da CAF ta fitar ta kuma bayyana cewa ta ci tarar Equatorial Guinea kudi dala dubu biyar, saboda magoya bayanta da suka shiga filin wasa.