Kungiyar Real Madrid ta kafa sabon tarihi

Kungiyar kwallon kafa ta Real Madrid sake kafa sabon tarihi na buga wasanni da dama ba tare da samun rashin nasara ba.

Mai horar da Real Madrid Zinadine Zidane tare da Cristiano Ronaldo da kuma Sergio Ramos

Nasarar da kungiyar ta samu kan Deportivo la Coruna da kwallaye 3-2 a wasan da suka buga jiya na gasar Laliga, ya bawa kungiyar damar kafa tarihin buga wasanni 35 ba tare da anyi nasara a kanta ba karkashin sabon mai horar da ita Zinadine Zidane.

Wannan tarihi dai ya zarta wanda kungiyar ta taba kafawa a shekarun 1988 da kuma 1989 karkashin mai horar da ita Leo Beenhakker, inda kungiyar ta fafata wasanni 34 ba tare da an samu nasara a kanta ba.