Manchester United da Ajax za su hadu a wasan karshe a Europa
Manchester United da Ajax ne za su hadu a wasan karshe a gasar Europa lig bayan sun fitar da Celta Vigo da Lyon a zagayen kusa da karshe da suka fafata.
Wallafawa ranar:
Manchester ta tsallake da jimillar kwallaye 2-1 akan Celta Vigo, bayan sun yi kunnen doki ci 1-1 a Old Trafford. Manchester ta samu nasara cin Celta Vigo ci 1-0 a karawa ta farko da suka yi a Spain.
Ajax ta tsallake ne da jimillar kwallaye 5-4, duk da Lyon ta doke ta 3-1 a fafatawar da suka yi a jiya.
A karawa ta farko Ajax ta doke Lyon ne ci 4-1.
Baya ga lashe kofin Europa, kuma dama ce ga Manchester United da Ajax na samun hurumin shiga gassar zakarun Turai.
Tuni Mourinho kocin Manchester ya bayyana cewa hankalin shi ya dawo ga kokarin lashe Europa domin samun shiga gasar zakarun Turai a kaka mai zuwa.
Yana da wahala Manchester ta samu shiga gasar ta hanyar gasar premier bayan ta sha kashi a hannun Arsenal.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu