Gasar Premier ta Ingila a karshen mako

Wasan da aka tashi canjaras 0-0 babu ci tsakanin Liverpool da Everton, ya baiwa Manhester City damar darewa sama teburin gasar Premier da maki 71, bayan samun nasara ka Bournemouth da 1-0.

Dan wasan Liverpool Mohamed Salah lokacin da yayi hasarar damar jefa kwallo a ragar Everton sau biyu a gasar Premier. AFP/Oli SCARFF

A halin yanzu Liverpool ce ta biyu a gasar da maki 70.

A sauran wasannin kuma da aka buga na gasar ta Premier a karshen mako, dan wasan gaba na Manchester United Romelu Lukaku, ya taimakawa kungiyar wajen samun nasara kan Southampton da kwallaye 3-2 a filin asa na Old Trafford ranar Asabar.

Kwallon da Lukaku ya jefa a minti na 89 ya baiwa United damar darewa matakin kungiya ta 4 a gasar Premier da maki 58, yayinda Arsenal ta koma ta 5 da maki 57.

A halin yanzu dai Manchester United ta fafata wasanni 15 a jere, ba tare da rashin nasara ba a gasar ta Premier Ingila, tun bayan da Ole Gunna Solskjaer ya karbi ragamar horar da kungiyar, daga hannun Jose Mourinho.