'Yan wasan Firimiya na duba yiwuwar daina durkuson gwiwa daya
Masu rike da mukaman kaftin-kaftin a kungiyoyin da ke doka gasar Firimiyar Ingila na tattaunawa kan makomar matakin durkuson gwiwa guda don karfafa manufar yaki da nuna wariyar launin fata kafin fara buga wasan sabuwar kaka a ranar Juma'a mai zuwa.
Wallafawa ranar:
Tuni dai aka gudanar da taro na farko kan makomar batun ba tare da cimma matsaya ba.
Tun daga watan Yunin 2020 ne 'yan wasa gasar ta Firimiya suka fara dirkuson gwiwa daya a wani yunkuri na dakile matsalar ta nuna wariya da ke kara tsananta.
Sai dai a cikin watan Fabarairun shekarar nan dan wasan gaba na Crystal Palace Wilfried Zaha ya ce ba zai sake sanya gwiwarsa a kasa ba, domin hakan ba shi da tasiri, la’akari da cewar matakin bai kare ‘yan wasa da dama daga fuskantar cin zarafin nuna musu wariyar launi ba.
Tuni dai ‘yan wasan kungiyoyin gasar Championship da dama a Ingila, da suka hada da Derby County, Brentford, Bournemouth da Queens Park Rangers, suka daina durkusawa da gwiwa daya kafin fara buga wasa, bayan ikirarinsu na cewa hakan baya amfanarwa.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu