Harin dan bindiga ya tilasta dakatar da wasan Belgium da Sweden
An dakatar da wasan neman tikitin buga gasar cin kofin kasashen nahiyar Turai tsakanin Belgium da Sweden saboda dalillai na tsaro, bayan da wani dan bindiga ya harbe mutane biyu har lahira a birnin Brussels.
Wallafawa ranar:
Tawagar ‘yan wasan Sweden ce ta nemi hukumar kwallon kafar Turai UEFA ta dakatar da wasan da suke bugawa a ranar Litinin, bayan da suka tafi hutun rabin lokaci.
Bayanai sun ce an aikata kisan gillar ne kafin fara wasan, to amma tilas aka dakatar da fafatawar yayin da ake 1-1, saboda tserewar da dan bindigar yayi, bayan kashe mutane biyu dukkaninsu ‘yan Sweden, wanda jami’an tsaro ke ci gaba da farautarsa.
Babu dai karin bayani kan ko mutanen da aka kashe sun zo Brussels ne domin kalllon wasan neman cancantar da kasarsu za ta kara da Belgium.
Wani lokaci nan gaba ake sa ran hukumar UEFA ta fayyace makomar wasan na Belgium da Sweden.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu