Birtaniya ta nemi Sudan ta yi taka tsan-tsan

Kasar Britaniya ta bukaci Sudan da ta yi taka tsan-tsan akan zanga zangar da ake yi a cikin kasar ta karin farashin man fetur, wajen bude hanyar tattaunawa don warware matsalar ta hanyar siyasa. Mataimakin Sakataren harkokin wajen kasar, Simon Frasier, ya ce suna fatar zanga-zangar zata sanya gwamnati nazari kan bukatun jama’a da kuma fatar magancesu.

Masu Zanga-Zanga a kasar Sudan

Gwamnatin kasar tace mutane 34 suka mutu a arangamar da masu zanga zangar suka yi da ‘Yan Sanda, adadin da kungiyoyin fararen hula suka ce ya ribanya haka.