‘Yan sanda sun cafke Faston da ke hasashen mutuwar Mugabe
‘Yan Sandan kasar Zimbabwe na tsare da wani shugaban Chochi a kasar wanda ya ce shugaba Robert Mugabe na iya mutuwa cikin watanin 10 masu zuwa.
Wallafawa ranar: Chanzawa ranar:
Lauyan Faston Gift Mtisi ya ce Patrick Mugadza na tsare ne a birnin Harare kuma har an gurfanar da shi gaban wata kotun Majistare inda ake zarginsa da laifuka barkatai.
Baya ga laifin sanar da cewa shugaban kasar zai mutu a watan Oktober 2017, ana kuma tuhumar Faston da sanya tufafi masu kama da tutar kasar.
A makon jiya ne dai Faston ya fadawa manema labarai cewa shugaban kasar na su zai mutu a ranar 17 ga watan 10 na wannan shekara.
A watan gobe ne dai shugaba Robert Mugabe ke cika shekaru 93 a duniya.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu