‘‘Akwai yiwuwar raba Zuma da kujerarsa’’

Sakatare Janar na Jam’iyyar ANC a kasar Afirka ta kudu, Gwede Mantashe, ya ce akwai alamun cewar ana iya raba shugaba Jacob Zuma da mukamin sa bayan babban taron Jam’iyyar da za’ayi a wata Disamba mai zuwa.

Shugaban kasar Afrika ta Kudu Jacob Zuma na Fuskantar matsalar a Jam'iyyarsa ta ANC REUTERS/Siphiwe Sibeko

Bisa ka’ida a taron jam’iyyar ne za’a zabi sabon shugaban da zai jagorance ta, kafin shekarar 2019 a gudanar da zaben shugaban kasa.

Sai dai rahotanni na nuna cewar wasu daga cikin manyan 'Yan Jam’iyyar zasu tilastawa shugaban mara farin jinni ya sauka daga mukaminsa.

Mantashe ya yi misali da shugaba Thabo Mbeki wanda shima ya sauka daga shugabancin kasar bayan ya rasa mukamin shugaban Jam’iyyar.