Manoman Malawi na amfani da miyan kifi wajen yakar kwari
Manoma a kasar Malawi na amfani da miyar kifi da ganyen neem ko kuma dogon yaro a matsayin maganin kwarin da ke addabar gonakinsu ta hanyar cinye musu amfanin gona.
Wallafawa ranar:
Tsutsar da ta mamaye gonakin masarar da ke kasar, ta dada jefa Malawi cikin mummunan yanayi, sakamakon farin da ake fama da shi, yayin da samun magani ya gagari manoma.
Wannan ya sa kwararru a harkar noma da kuma manoman suka bullo da dabarar amfani da miyar kifi da ganyen neem wajen yakar tsutsotsin da suka mamaye gonakinsu.
Rahotanni sun ce, wasu manoman na amfani da sikari da miyar wani kifi da ake kira Usipa wajen feshi a gonakin nasu, kuma suna samun nasarar fatattakar kwarin.
Ministan noma, Joseph Mwanamvekha ya ce, yanzu haka mutane kusan miliyan biyu ne ke fuskantar barazanar yunwa saboda barnar da tsutsar ta yi a gonakin kasar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu