Ana Ci Gaba Da Binne Gawan Mutane 224 Da Suka Yi Hadari A Tanzania
Rahotanni daga kasar Tanzania na cewa yau Littini an ci gaba da binne gawan mutane 224 da suka mutu sakamakon hadarin kwale-kwale da suke ciki a tafkin Victoria.Tun jiya lahadi aka binne gawa 12 a tsubirin Ukara inda kwale-kwalen zashi tun da fari.
Wallafawa ranar:
Firaministan kasar Tanzania Kassim Majaliwa ya jagoranci fara binne gawarwakin a jiya lahadi, inda ya nuna hadarin ya girgiza kasar baki daya, al'amarin daya sa ala tilas a ware zaman makoki a fadin kasar.
Sauran gawarwakin mutanen, dangi da ‘yan uwa suka karbin abinsu, don tafiya da su binnewa da kansu, duk da cewa akasarin gawarwakin an gaza tantance mamatan.
A cewar Firaministan za’a gina wuri na musamman a Ukara, don tunawa da wadannan mamata, sannan kuma za’a kaddamar da hukumar binciken musabbabin wannan hadari.
Kasancewar tun alhamis aka sami hadarin, masu aikin ceto sun fitar da tsammanin sake ganin wani da sauran numfashi
Sai dai kuma acewar Firaministan masu aikin ceto zasu ci gaba da laluben karkashin ruwa watakila a dace a sami wasu da ake ganin sun bace bayan hadarin.
Ministan Sufuri Isack Kamwelwa ya gaskata cewa kwale-kwalen na dauke da fasinjoji 265 ne, duk da cewa ya dace fasinjojin dake cikinsa bai kamata su zarce 100 ba.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu