Pakistan ta Saki Masunta 86 'Yan kasar Indiya

Yau Lahadi,  Kasar Pakistan ta sanar da sakin wasu masunta 86 ‘yan kasar India da take tsare da su saboda yin sana’arsu a harabar tekun Pakistan.  

Alamar zumunci tsakanin Dakarun Pakistan da Indiya

Shugaban Gidan yari na Malir dake garin Karachi,  Raja Mumtaz ya gaskata haka a tattaunawa da kamfanin Dillancin Labaran Faransa AFP.

Ya fadi cewa har yanzu akwai wasu mutane 363 da ake tsare da su a gidan yari.

Masunta na kasashen biyu kan fuskanci irin wannan matsala na kame a lokacin da suke kamun kifi a yankin ruwa na juna.