Mace ta zama gwamnan Tokyo

A Japan an zabi Mace ta farko a matsayin Gwamnan birnin Tokyo kamar yadda sakamakon farko ya nuna a zaben. SAbuwar Gwamnan ta yi alkawalin tunkarar kalubalen da ke gabanta musamman shirye shiryen Wasannin Olympics da birnin zai karbi nauyi a 2020.

Yuriko Koike Ta lashe zaben Gwamnan Tokyo REUTERS

Yuriko Koike tsohuwar ministan tsaro ce da muhalli kuma ta samu rinjayen kuri’u fiye da abokin takararta bayan kidaya kashi biyu cikin uku na kuri’un da aka kada.

Mutane 21 suka fafata a zaben domin maye gurbin gwamnan Tokyo Yoice da ya yi murabus sakamakon wata badakalar kudade.