Alaka tsakanin Canada da India na kara tsami

Gwamnatin India ta dakatar da baiwa ‘yan kasar Canada takarardar izinin shiga kasar, bayan da alaka ke kara tsami a tsakanin kasashen biyu sakamakon mutuwar dan gwagwarmayar ballewar kasar ‘yan kabilar Sikh daga India Hardeep Singh Nijjar.

Wannan baraka dai na zuwa ne kasa da makonni biyu da aka gudanar da taron kungiyar G20 da ya gudana a India, wanda kuma ya mayar da hankali kan karfafa hadin kan kasashe. AP - Evan Vucci

Wannan dai na zuwa ne bayan da kasashen biyu suka janye jakadun su, sannan India ta kara da gargadin ‘yan kasar ta a game da yin tafiya zuwa Canada.

Kawo yanzu dai Prime ministan Canada Justin Trudeau ya bukaci India ta rage yawan ma’aikatan da ke aiki a ofishin jakadancin ta a Canada, duk da dai ya yi togaciyar cewa wannan wata hanya ce ta samar da zaman lafiya a tsakanin kasashen ba wai sake lalata al’amurra ba.

Narendra Mohdi,Firaministan India ). AP - Dar Yasin

Mutuwar Hardeep mai shekaru 45 ce dai ta haddasa wannan matsala, bayan da Canada kai tsaye ta zargi India da  hannu a kisan nasa, abinda bai yiwa India dadi ba, wadda ke ganin Canada na yi mata katsalandan a harkokin cikin gida.

Firaministan Canada Justin Trudeau © DAVE CHAN / AFP

Ma’aikatar harkokin wajen India ta bakin kakakin ta Arindam Bagchi tace kasar ta karbi bukatar Canada na rage yawan ma’aikan ofishin jakadanci a hukumance, kuma kasar zata duba yiwuwar hakan.

India dai na cikin kasashen da jama’ar Canada ke yawan kai ziyara, inda alkalman suka nuna cewa a bara kawai, masu yawon bude Idanu daga Canada dubu 80 ne suka shiga India.