Yan adawan Venezuela na gargadin gudanar da zanga zanga akan rantsar da Chavez

Daya daga cikin manyan ‘Yan adawan kasar Venezuela, Julio Borges, ya bukaci gudanar da zanga zanga muddin Gwamnatin kasar ta jinkirta bikin rantsar da shugaban kasa, Hugo Chavez. 

Shugaban kasar Venezuela, Hugo Chavez REUTERS

Borges ya bukaci al’ummar kasar da suyi shirin shiga zanga zangar, da kuma bijirewa gwamnatin kasar, saboda kaucewa amfani da tanadin kundin tsarin mulkin kasar.

Ya kara da cewar, zasu tafi kungiyoyi da kasashen duniya dan kai karar Gwamnatin kasar su, wadda ke shiri juya kundin tsarin mulkin kasar dan biyan bukatar kanta.