Obama ya dauki alhakin shan kaye a zaben 'Yan Majalisu

Shugaban Amurka ya dauki alhakin shan kayen da Jam’iyyarsa ta sha a zaben ‘Yan majalisu da aka gudanar a makon jiya. Obama ya shaidawa wata kafar talabijin ta CBS cewa sun sha kaye a zaben tare da daukar alhakin koma bayan farin jinin da Jam’iyarsa ta samu.

Shugaban Amurka, Barack Obama. DR

Jam’iyyar adawa ce ta Republican dai ta samu rinayen kujeru a zaben da aka gudanar a ranar Talatar makon jiya, wanda ake ganin wannan shi ne zaben da zai auna farin jinin Jam’iyyar Demokurat ta Obama a zaben shugaban kasa da ke zuwa.