Zeben 'yan majalisar dokoki a kasar Myanmar

Ana jefa kuri’un zaben ‘yan majalisar dokokin kasar Myanmar irinsa na farko da ake gudanarwa cikin ‘yanci shekaru 25 da suka gabata a kasar da ke yankin Asiya.

Yakin neman zaben jam'iyyar LND ta Aung San Suu Kyi a birnin Rangoon. REUTERS/Soe Zeya Tun

Sama da mutane milyan 30 ne suka cancanci jefa kuri’unsu a zaben, wanda manazarta ke ganin cewa jam’iyyar adawa ta Aung San Suu Kyi za ta iya samu gagarumar galaba.

To sai dai a karkashin dokokin kasar, Suu Kyi ba za ta iya zama shugabar kasar ba, saboda mijinta ba dan asalin kasar ba ne.