An gudanar da jana'izar shugaban kasar Haiti aka kashe cikin fargaba

A ranar Jumma’a Haiti ta gudanar da bikin bankwana ga tsohon shugaban kasar Jovenel Moise da aka kashe karkashin tsauraran matakan tsaro.

Gawar shugaban kasar Haiti da aka kashe Jovenel Moise, 23-07-21. Valerie BAERISWYL AFP

To sai dai an ji karar harbe-harbe a wajen farfajiyar taron jana'izar, lamarin da ke tabbatar zaman dar-dar da kasar mai fama da talauci a yankin Caribbean ta shiga.

Fiye da makonni biyu bayan da aka kashe Moise mai shekaru 53 a gidansa da ke Port-au-Prince, wato safiyar ranar 7 ga watan Yulin, sai a jiya aka binne gawarsa babbar birnin yankin sa na Cap-Haitien, dake arewacin kasar.