An saki daliban da aka yi garkuwa da su a Legas

An saki dalibai 6 na wata makaranta da ke jihar Legas a kudancin Najeriya bayan sun shafe sama da watanni biyu a hannun mutanen da suka yi garkuwa da su don karbar kudin fansa.

Daliban da aka wasu 'yan bindida suka yi garkuwa da su a jihar Legas ta Najeriya punchng.com

Rahotanni sun ce, an saki daliban ne na makarantar Igbonla Model College bayan an sake biyan masu garkuwa da su Naira miliyan biyar a matsayin kudin fansa.

Wata majiyar tsaro ta ce, jumullar Naira miliyan 37 aka biya don ‘yanto daliban daga hannun mutanen.

A ranar 25 ga watan Mayun da ya gabata ne, wasu ‘yan bindiga sanye da kakin soji suka dirar wa makarantar, in da suka sace daliban daga dakin kwanansu.