Najeriya: Tsadar takin zamani zai iya haifar karancin abinci a kakar badi

Yayin da manoma a Najeriya da sauran sassan duniya ke ci gaba da gudanar da harkokin noman daminar bana, alamu na nuna cewa tashin gwauron zabin da farashin takin zamani ya yi, zai iya shafar yanayin samuwar abinci a kakar badi a Najeriya.

Wani manomi a yankin Arewa maso gabashin Najeriya. © FAO

Hakan dai ya biyo bayan yadda kananan manoma da dama suka rage girman gonakinsu ko suka jingine noman bana, saboda tsadar da takin zamanin ya yi.

Wakilinmu a Bauchi Ibrahim Malam Goje, ya hada mana wannan rahoton.