Majalisar Nijar ta bukaci Brigi Rafini ya gurfana a gaban ta

Takaddama ta kaure a Majalisar Jamhuriyar Nijar kan gabatar da wata takarda da wata ‘yar majalisa ta yi na bukatar Firaminista Briji Rafini ya gurfana a gaban ta dan yi musu bayani kan harkar ilimi da kuma yajin aikin da ya dabaibaye shi.

Majalisar Nijar ta bukaci Brigi Rafini ya gurfana gaban ta. AFP PHOTO / Boureima Hama

Ministan ilimi ya wakilci Firaministan amma ‘yar majalisar da ta ajiye takardar ba ta je Majalisar ba, abinda ya janyo dage mahawara akan takarda.

Sha’anin ilimi a Nijar na fuskantar matsaloli da suka kunshi yajin aiki daga bangaren malamai ko zanga-zanga daga dalibai a baya bayan nan.