Lewandowski zai fice Dortmund
Robert Lewandowski wanda ya jefa dukkanin kwallaye 4 a ragar Madrid a gasar zakarun Turai zagayen dab da na karshe karawar farko, wakilin shi yace dan wasan zai fice daga Borussia Dortmund domin ya amince ya kulla yarjejeniya da wata Kungiya.
Wallafawa ranar:
Robert Lewandowski ya nuna wa duniya kansa a gasar zakarun Turai, wanda ke kokarin taimakawa Dortmund kai ziyara filin wasa naWembley a wasan karshe idan dan wasan ya maimaita barnar da ya aikatawa Madrid a Santiago.
Rahotanni dai masu karo da juna na kawarmata cewa Lewandowski zai koma taka kwallo ne a Bayern Munich ko Manchester United, yayin da wasu rahotanni kuma ke cewa dan wasan zai koma taka kwallo ne a Juventus.
Kocin Real Madrid Jose Mourinho ya amsa shan kashi yana mai cewa Borussia Dortmund sun cancanci nasarar da suka samu saboda yadda suka taka kwallo.
Sai dai kuma Mourinho yace komi na iya faruwa a karawa ta biyu. Saboda kwallon da Ronaldo ya zira a gidan Dortmund.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu