Van Gaal na son Rooney ya kafa tarihi a Manchester United

Kocin Manchester United Louis Van Gaal ya yi fatan cewa keften dinsa Wayne Rooney zai kafa tarihi a wannan kakar a matsayin wanda ya fi zura kwallaye a tarihirin Manchester United.

Wayne Rooney na Manchester United

Van Gaal dai na burin ya ga cewa Rooney ya zarce Sir Bobby Charlton, wanda har yanzu ba a samu dan wasan Manchester United ba da ya ci wa kungiyar kwallayen da suka kai yawan nasa, inda ya zura kwallaye 249.

A yanzu dai Rooney na bukatar zura kwallaye biyar a raga kafin ya kamo Charlton kuma a jiya ma sai da ya ci wa Manchester United kwallo guda a wasan da ta lallasa Stoke City ci 3-0 a gasar Premier ta Ingila.