Yan wasan Real Madrid sun ki goyon bayan shirin sayen Pogba
Rahotanni daga Real Madrid sun ce ‘yan wasan kungiyar da dama sun bayyana rashin goyon bayan zuwan dan wasan Manchester United Paul Pogba, wanda ake sa ran kungiyar za ta saya a karshen kakar wasa ta bana.
Wallafawa ranar:
Pogba na cikin manyan ‘yan wasan da kocin Real Madrid Zinaden Zidane ke fatan saya don karfafa kungiyar, wadda ta fuskanci koma baya matuka a kakar wasa ta bana.
Zalika shi kansa Pogba, majiyoyi masu tushe sun rawaito cewa, a shirye yake ya sauya sheka daga United don komawa karkashin Zidane.
Sai dai yayin da ‘yan wasan Real Madrid suka amince cewar zuwan dan wasan Chelsea Eden Hazard cikinsu, zai taimaka matuka wajen samun nasarori, mafi akasarinsu basu gamsu da kwarewar Pogba, dan haka suke ganin zuwansa bashi da amfani.
A kakar wasa ta bana dai Paul Pogba ya ci wa Manchester United kwallaye 13, ya kuma taimaka wajen jefa wasu kwallayen guda 9.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu