Kungiyoyin da suka lashe gasar wasannin Lig-Lig na Turai
Atletco Madrid ta yi nasarar daukar kofin La Liga na bana, bayan da ta doke Real Valladolid da ci 2-1 a wasan mako na 38 na karshe a kakar 2020/21 a Spaniya.
Wallafawa ranar:
Luis Suarez ya kasance cikin hawaye ranar Asabar bayan kwallon da ya ci ya taimakawa Atletico Madrid daukar kofin La Ligar, yana mai godiya ga kungiyar da ta cece shi.
Dan kasar Uruguay din, wanda ya koma Madrid daga Barcelona a watan Agusta, ya gode wa "Atletico saboda bude musu kofofinsu."
Madrid da Barcelona da Sevilla sukayi na 2 da na uku na hudu, kuma suka samu tikitin gasar Zakarun Turai mai zuwa.
EPL - Ingila
A gasar Premier Ingila kuwa, Manchester City ce ta lashe kofin na bana, bayan da Manchester United ta yi rashin nasara 2-1 a hannun Leicester City a Old Trafford.
City ce ta yi ta daya a bana sai United ta biyu a teburi, sannan Liverpool ta uku da Chelsea ta hudun da za su wakilci Ingila a Champions League a kakar badi.
Seria A – Italiya
Inter Milan tayi bukin Lashe kofin Seria A na bana gaban magoya banya na cikin gida, bayan doke Udinese da ci biyar da 1 a wasan karshe da aka fafata jiya Lahadi.
Inter ce tayi na daya a bana, sai Milan ta biyu a teburi, sannan Atalanta ta uku sai kuma Jeventus da ta sha dakyar wajen samun tikitin zuwa Champions League mai zuwa.
Bundesliga – Jamus
Bayern Munich ce ta lashe kofin, a matsayin ta daya a saman teburi, sai Leipzig ta biyu sannan Dortmund ta uku sai kuma Wolfsburg ta hudu a wadanda zasu wikilci kasar a zakarun Turai ta badi.
Ligue 1 - Faransa
A gasar Ligue 1 na kasar Faransa kuwa Lille ta sha gaban PSG ta lashe kofin na bana, yayin da PSG da Monaco da Lyon suka samu tikitin wakiltar kasar a gasar zakarun Turai ta badi, amatsayin na daya zuwa na hudu.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu