Rundunar sojin kasar Masar ta shata wa gwamnatin Musulunci ta shugaba Morsi da ‘Yan adawa wa’adin sa’o’I 48, su gaggauta sasantawa ko kuma ta dauki mataki akan rikicin siyasar kasar da ake ganin zai iya haifar da yakin basasa. Kodayake Shugaba Morsi ya yi watsi da wa’adin na Soji amma Malam Shi’itu Babura da ke bincike a Jami’ar al Azhar a birnin Al Kahira yace suna kallon wannan kamar juyin mulki ne Sojin kasar ke kokarin yi.
