Kasar Swiss ta rufe assussun Laurent G.da Zine A.Ben Ali da ke kasar ta

Gwamnatin kasar Switzerland ta bayyana daukar matakin rufe assussun ajiyan tsohon shugaban kasar Tunisia Zine al-Abidine Ben Ali da shugaban Cote- D’Ivoire Laurent Gbagbo.Ministan harkokin wajen kasar, Micheline Calmy-Rey ta bayyana haka yayin taron manema labarai, inda ta ce matakin ya fara aikin nan take a jiya Laraba, na rufe dukkanin assussun ajiyar shugabanin biyu. Kuma gwamnatin ta kare matakin da cewa zai taimakama kasashen su dauki matakan sharia, kan kudaden.